Follow by Email

الأحد، يوليو 10، 2011

شعره من جلد خنزير !



-         ألووو
-         هلو أبو رشيد
-         هلو أبو عصام شلونك؟
-         الحمد لله .. إنت شلونك ؟
-         والله ماشيه ..
-         ماشيه ليوره ليكَدام ؟
-         والله تدري العراق ما بيه ليكَدام ههههههههه
-         ههههههههههههه
-         شنو أخبار المحروس ؟ شلونه بالبكالوريا ؟
-         والله موزين .. مو أسئله السنه إنتقام عبالك
-         لعد يكَولون هذا تميم أحسن من الخزاعي ؟
-         لا تحجيني أبو عصام .. ترى أبدي أقسم .. والله !
-         هههههه لا تقسم يا معود .. آني خابرتك على غير شي ، قريت بالجريدة اليوم أنو راح تنطلق السلف : أم الخمس ملايين وأم ال 100 راتب ، أكو هيج شي ؟ لو حجي جرايد ؟
-         لا أكو هيج شي ، البارحه سألت أخو المره ، هو يشتغل بالمالية – تدري – وأكد لي الخبر.
-         وشنو رايك نقدم عليهن ؟ لا ؟
-         والله أم الخمس ملايين مكدور عليها ، بس أم ال 100 راتب تاكل نص الراتب ، ورواتب المعلمين تدري بيها ما توصلنا النص الشهر أنوب ينكَطم نصها ؟
-         خو أحنا المدرسين هم مثلكم .. بس يا أخي ( شعره من جلد خنزير ) ما تتفوت !
-         ليش هي قرضه حسنه ؟ مو راح تسددها وفوكَاها الأرباح ؟
-         أي والله نسيت ، ذوله عود ليش ما ينطون شي ؟
-         مسامع المثل اللي يكول : من ( المومن بالك بالك .. من السيد أحفظ أعيالك ) ؟
-         هههههههههههههههههههه مسامع بيه هههههههههههههه بعرضي أنت فله , مدري منين تجيب هاي الأمثال؟
-         أتريد منهم ينطوك شي ؟ دير بالك على جيبك ياب !
-         ثيما الله  ياب !
-         هلو ياب !
في أمان الله




salehalhamadany@yahoo.com

ليست هناك تعليقات:

إرسال تعليق